BEIRA MAR

Picture by Bruno Oliveira

Ten dias ki bu ta sta na altura, otus bu ta sta na tchon. Manera di mundo ka ta da pa  intendi. Munti trapadjason ta dexan ku confuson. Min sabi man mestel ma djan cansa di djobel. Paz, amor e carinho. Tudo kin kre eh um poku di mimo. Nkre odjou, kre conxeu, nkre fazeu dimeu. Nka sabi bu nome, nkre odja bu rosto. Di undi ki  bu sta bem? Sera ki bu ta cai di ceu? Si kre bu ben di longi nta spera ti ki bu tchiga. Pamodi n sabi ma bu ben po fica.

Tudo kin kre eh um corason moda di bo ke pan fazi nha morada.

Nka kre ser so bu namorada.

Nkre ser bu midjor amiga.

Depos di trabadjo cansadu,

Po ten a ken conta bu dia.

Nka kre nada di otu mundo.

Nkreu ku tudo bus mania.

Entre nos pa ka ten mintira.

So paz e harmonia.

Nkre sarau bu ferida pou ta xinti so alegria. El ki dexou maguadu, ma gossi mi ki sta na bu ladu. Podi ten certeza, nem mas un gota d’agu. Kela eh un storia ki dja sta inceradu. Nka ta prometeu un novela, ma podi ten certeza ma ka ta ser um filmi guerra. Nu ta fica na rua sakedu ta odja lua. Nta lebou ate ceu, nta pou ta odja strela.  So kun beju nta dexou na ar.  So mi ku bo na beira mar. Devagar ka mesti presa, eh ka corrida, nu lebal passu a passu moda un passeio. Tudo ta kai na lugar pesa a pesa. Nu ta screbi nos storia ate tchiga fin di meta.

By Ronise Vieira

About these ads